老實講呢，人類用嘅紙巾廁紙，全部都可以用手巾仔代替；尤其阿女仲係B果陣，用剩好多紗巾仔，袋定兩條喺身，乜都抹倒，係出街尿尿女仔無辦法要用紙巾。
但係呢，我家有隻又老又絕症（絕左已經一年幾仲好精神）又懷疑失智的老貓豹叔，唔知佢專登定失憶，專在廚房和鞋櫃痾尿，每次都好大篤，貓尿真係要用廚房紙清走，乜布抹完都唔洗要。
但見真係好耐唔見有廚房紙賣，就快用完，我們決定轉陣。
用狗狗尿墊（一包有100張），一開四，然後代替廚房紙吸水抹污跡。抹完即丟。咁就可以慳番廚房紙了。而豹叔亦可以安心任痾了。（其實他從來沒擔心過⋯⋯）
（程序：發現貓尿＝>容許自己爆句粗＝＞用尿墊由案發邊緣慢慢索尿＝＞容許自己一路索一路爆粗＝＞索乾尿後即丟尿墊＝＞噴／滴／倒少少清水在案發現場＝＞用新尿墊再索走清水＝＞禮成＝＞容許自己同犯貓沒有eye contact半小時＝＞容許自己原諒犯貓並煙煙韌韌。）
Search